Монголын урлаг, соёл, уламжлал, хөгжмийг сурталчлан таниулах “Нүүдэлчид” үзэсгэлэн Нидерландын Ситтард хотноо энэ сарын 16-ныг хүртэл үзэгчдэд хүрнэ.
Тус үзэсгэлэнгээр Монголын нүүдэлчин ахуй, байгаль дэлхий, уудам тал нутаг, оюун санаа, олон зуун жилийн түүх, уламжлалт соёлын өвөөс уран бүтээлчдийн бүтээлдээ шингээсэн дүрслэл, өнгө төрхийг Нидерландын үзэгчдэд хүргэж буй юм.
Үзэсгэлэнд Монгол, Нидерланд, Бельги улсад ажиллаж, бүтээл туурвиж буй уран бүтээлчид бүтээлээ дэлгэжээ.
