Европын холбоо хил хамгаалалтаа чангатгахыг уриаллаа

Үүнтэй холбоотойгоор өнөөдөр ЕХ-ны дотоод хэргийн сайд нар энэхүү асуудлыг хэлэлцэхээр яаралтай цахим уулзалт хийхээр болсон байна.

Сеутагийн нөхцөл байдал нь Европын Холбооны 27 гишүүн орны заримын хоорондын харилцаанд сөргөөр нөлөөлжээ.

Фон дер Ляйен Испанийн ерөнхий сайд Педро Санчест илгээсэн захидалдаа хямралыг шуурхай зохицуулсныг нь сайшаасан. Гэсэн хэдий ч “энэхүү үйл явдал нь эмзэг цэгүүдэд хилийн хамгаалалтыг улам бэхжүүлэх шаардлагатайг харууллаа” гэж онцолсон байна.

Сеутагийн нөхцөл байдал нь ЕХ-ны гишүүн орнуудын хооронд зөрчил үүсгээд байгаа бөгөөд Итали улс Испанитай байгуулсан Шенгений зохицуулалтыг түр хугацаанд түдгэлзүүлжээ. Финланд, Дани улс Италийн шийдвэрийг дэмжсэн.

Харин Чехийн ерөнхий сайд Андрей Бабиш Испанийн Шенгений гишүүнчлэлийг түр түдгэлзүүлэх санал гаргасан байна.

Харин ерөнхий сайд Педро Санчес зарим Европын засгийн газрыг “өрөөсгөл ойлголт, худал мэдээлэл, улс төрийн ашиг сонирхлоор Испанийг буруутгаж байна” гэж шүүмжилж, Сеута нь Шенгений бүсэд хамаардаггүйг сануулжээ хэмээн ВВС агентлаг мэдээллээ.