Б.Чойжилсүрэн: Би ЕРӨНХИЙЛӨГЧ-д шанаадуулаагүй

Цахим орчинд Эрчим хүчний сайд Б.Чойжилсүрэн Их тэнгэрийн аманд Ерөнхийлөгч У.Хүрэлсүхэд шанаадуулсан гэх мэдээлэл тарсан. Энэ талаар өнөөдөр Засгийн газрын хуралдааны дараа мэдээлэл танилцуулах үеэр Б.Чойжилсүрэн сайдаас сэтгүүлчид энэ асуудлыг тодрууллаа.

Ингэхэд тэрбээр “Гүтгэлгийн чанартай мэдээлэл гарсан байна лээ. Намайг Ерөнхийлөгч шанаадсан гэдэг утгатай. Ямар ч тийм зүйл болоогүйг хариуцлагатайгаар хэлье. Би өөрөө түүнтэй сар шахам уулзаагүй явна. Хоёрдугаарт, миний эсрэг гүтгэлгийн мэдээлэл яваад байгаа. Өмгөөлөгч хөлсөлж буй, ирэх долоо хоногоос хууль хяналтын байгууллагад хандана” гэж хариулсан юм.