БНН-ын дарга Б.Жаргалсайхан Хөгжлийн Банкны гэх хэргийн шийдвэртэй холбоотойгоор байр сууриа илэрхийлжээ.
Тодруулбал тэрбээр: “Хөгжлийн банктай цуг нэр дурдагдсан бүхнийг хулгайч гэж хэсэг зүхэцгээсэн. Буян компанийн хууль журмын дагуу арилжааны банкнаас авсан хүүтэй зээлийг хүртэл хөгжлийн банкных гэж ойлгосон алдаанаас нь болж одоог хүртэл буруу ойлголттой хүмүүс байна…
Ер нь хууль шүүх гэм буруутайг нотлоогүй байхад хүний нэр төрийг хайр гамгүй хэрчиж хар массыг ялаа батгана шиг шавуулж хайртай дотны хүмүүсийнх нь нүдэн дээр хар хэл амаар ялладгаа хэзээ болих вэ.
Ямартаа ч төр хуулийн хүрээнд хөгжлийн банкныхаа хэргийг нээлттэйгээр шүүсэн нь магтууштай. Н.Алтанхуяг, Х.Ганхуяг, Г.Амартүвшин нарыг шүүх гэм буруугүйд тооцож. Түмний нүдэн дээр шүүсэн төрийн хуультай одоо маргаад яахав дээ.
Цаашдаа энэ жишгээр нүүрсний хулгай, авлига албан тушаалын хэргийг нээлттэй шүүж байх хэрэгтэй юм байна. Хүн хэлмэгдүүлж болохгүй. Хууль зөрчсөн бол өршөөж болохгүй” гэсэн байна.
Нийтлэсэн 
Сэтгэгдэлүүд