Хөдөлмөрийн баатар, дархан аварга Х.Баянмөнхийн ач охин, улсын гарьд Б.Гантогтохын охин Хандсүрэн жил гаруй өмнө Японы волейболын Дээд лигийн тоглогчоор сонгогдсон билээ.
Ингэснээр Монголын волейболчид дундаас гадаадын лигт легонер тоглогч болсон анхны эмэгтэй тамирчин юм.
Энэхүү баярт мэдээг Г.Хандсүрэн өөрийн цахим хуудснаа бичиж байсан нь саяхан. Түүний тоглодог
Брийт Хамамацү баг 2021-2022 оны улирлын тоглолтод
II байр эзэлсэн бөгөөд тэрбээр түр хугацаагаар эх орондоо ирээд байгаа аж.
Түүний хувьд волейболын спортоор мэргэжлийн түвшинд хичээллээд 10 жил болжээ.
Брийт Хамамацү баг-т тоглодог түүнийг багийн хамтрагчид нь Хан Жан хэмээн дууддаг аж. Тэрбээр мэргэжлийн спортын хажуугаар Японы Bank of shizuoka хэмээх нэртэй банкинд ажилладаг гэнэ.
Аав болон өвөө шиг биеэрхүү харагддаг түүний өндөр 1,8 метр орчим. Анх Япон улсыг зорих шийд гаргахад гэр бүл нь бараг зэрэг дурамжхан байсан ч мөрөөдлийнхөө төлөө өөрийн шийдвэртээ бат зогсон ийнхүү амжилтын эзэн болжээ.
Түүнийг тус багийн дасгалжуулагч нь иргэншилээ сольж Японы шигшээд багтах санал тавьдаг ч тэрбээр ийм бодолгүй бөгөөд эх орондоо эргэн ирж дараагийн үеийн дүү нартаа туршлагаа хуваалцан зааж суралцах хүсэлтэй аж.
Энэ жил 25 настай Хандсүрэн өмнө нь Монголын воллейболын лигийн баг болох Тэнүүн Огоо багт хүчин зүтгэдэг байжээ.
Нийтлэсэн 
Сэтгэгдэлүүд