Bloomberg телевизийн захирал, Өдөр тумтын сонины холбооны Ерөнхийлөгч Э.Долгион саяхан л улсын их хуралд нэр дэвшиж, төрийн түшээ болох хүсэл эрмэлзлэл дүүрэн гэдгээ харуулаад амжсан. Идэр насан дээрээ явж буй Э.Долгион анхны амьдралдаа цэг тавьж, өөрөөсөө арав гаруй дүү Ц.Пүрэвжаргалтай амьдралаа холбон, үрийн зулай үнэрлэсэн.
Ц.Пүрэвжаргал бол шинэхэн УИХ-ын гишүүн Г.Цэрэнпунцаг гарьдын охин. SPS телевизийг удирдан залж яваа чадварлаг, сүйхээтэй бүсгүй. Харин ийм л сүйхээтэй бүсгүйг насныхаа ханиар сонгосон Э.Долгионы үнэн төрх илчлэгдэв ээ.
Э.Долгион муу ч үгүй хэвлэл мэдээллийн салбарт олон жил ажилласан туршлагатай сэтгүүлч, сайн удирдагч гэгддэг. Тэрээр өнгөрсөн 2018-2019 онд болсон өдөр тутмын сонины сэтгүүлчдийн шинэ жилээр сонины гурван сэтгүүлчийг “King tower”-т байр авах 50 сая төгрөгний эрхийн бичгээр шагнажээ. Гэвч тухайн эрхийн бичиг нь ердөө байр авч буй хүмүүст зориулсан бичиг гэдэг нь ил болж, өнөө гурван сэтгүүлч гартаа барих юмгүй ганзага хоосон буцжээ. Ийн гоморхлоо хэлж буй сэтгүүлчийн хариуд Өдөр тутмын сонины холбооны Ерөнхийлөгч Э.Долгион твиттер хуудастаа ийм нэгэн хариулт өгөв. “Архиваас зургийг нь олов. Монголоор унших нэг нь ямар нөхцөлтэй байсныг уншина биз. Бусад нь яахав тэгээл хараагаал сууж байхгүй юу доо, гарзтайн биш… гэж өгүүлсэн нь түүний үнэн төрх, холбооныхоо хамтран зүтгэгчдээ хээв нэг тохуурхаж сууна.
