УИХ-ын сонгуулийн 29 дүгээр тойрогт бие даан нэр дэвшихээ илэрхийлж, батламжаа гардан авсан Н.Номтойбаярын үнэмлэхийг түүний аав Б.Нямтайшир гардан авчээ. Учир нь түүний хүү, нэр дэвшигч Н.Номтойбаярыг Чингэлтэй дүүргийн Эрүүгийн хэргийн шүүхээс цагдан хорих шийдвэр гарган, саатуулсан.
Гэвч энэ нь Сонгуулийн тухай хуулийн 35 дугаар зүйлийн 35.2.1-д “УИХ-ын сонгуульд нэр дэвшигчийг зөрчил болон гэмт үйлдлийнх явцад (үйлдэл дээр нь) нотлох баримттайгаар баривчилснаас бусад тохиолдолд СЕХ-ны зөвшөөрөлгүйгээр “эрүүгийн хариуцлагад татах буюу эрүүгийн хэрэг үүсгэх, баривчлах, саатуулах, албадан саатуулах, цагдан хорих”-ыг хориглоно гэж заасныг зөрчсөн үйлдэл гэдгийг СЕХ-ноос тайлбарлаад байгаа юм. Товчхондоо Н.Номтойбаярын нэр дэвших эрх нээлттэй хэвээр гэсэн үг.
