Цахим орчинд хүүхэд залуусын дунд “НОЁН IZ” нэрээр олны танил болсон Г.Ирээдүй УИХ-ын дарга Н.Учралын Их өгөгдөл, хиймэл оюун ухаан, залуучуудын бодлого хариуцсан зөвлөхөөр томилогдон ажиллаж байгаа аж.
Тэрбээр энэ албан тушаалд томилогдохоос өмнө нь 2024 оноос ЗГХЭГ-ын даргын зөвлөхөөр ажиллаж, 2025 онд SDY Mongolia-ийн Удирдах зөвлөлийн гишүүнээр сонгогдож байсан.
Харин 2025 оны 2-р сараас эхлэн Монгол Улсын Их Хурлын даргын зөвлөхөөр томилогдон өнөөдрийг хүртэл ажиллаж байгаа аж.
Түүний хувьд 1995 оны гуравдугаар сарын 20-нд төрсөн. 31 настай. 2016 оноос хойш YouTube , Facebook зэрэг сошиал орчинд өөрийн бичлэгүүдийг байршуулж эхэлсэнээр түүнийг маш олон хүмүүс үзэж, дагаж, таниж эхэлсэн байдаг. Түүнчлэн тэрбээр коин гаргах ажил эхлүүлж байсан ч КОВИД-н улмаас энэхүү ажлаа хойшлуулж зогсоож байсан удаатай. Гэх мэтээр сошиал орчинд ихээхэн төвлөрч ажилладаг түүнийг УИХ-н ажлын алба өөрийн багтаа элсүүлэн авчээ.
