Ирэх аравдугаар сарын 10-нд Сонгинохайрхан дүүргийн 28, Хэнтий аймгийн 18 дугаар тойрогт УИХ-ын нөхөн сонгууль болно. Тодруулбал, 18 дугаар тойрогт дөрвөн нэр дэвшигч, 28 дугаар тойрогт арван нэр дэвшигчийг Сонгуулийн Ерөнхий хороо /СЕХ/ бүртгэсэн.
Тэгвэл нэр дэвшигчдийн ХОМ-ийг AТГ сайтдаа байршуулсан.
Тухайлбал, УИХ-ын нөхөн сонгуульд АН-аас Сонгинохайрхан дүүрэгт нэр дэвшигч Э.Бат-Үүл орон сууц, үл хөдлөх хөрөнгөгүй. Жилийн орлого 1.2 сая. 40 саяар үнэлэгдэх VOLKSWAGEN TOUAREG машин. 10 саяын таван адуу, 1.4 саяын хадгаламжтай. 34 саяын авлагатай, 20 саяын зээлтэй гэж мэдүүлсэн байв.
Тэгвэл түүний жилийн 1.2 саяын орлоготой хэмээсэнд олон иргэд бyхимдсан.
Э.Бат-Үүл үүнд тайлбар хийжээ. Тэрбээр Миний сарын орлого 1 сая 200 мянган төгрөг гэж бөглөснийг Сонгуулийн ерөнхий хороо санаатайгаар жилийн орлого мэтээр тавьсан бололтой. 1 сая 200 мянга шүү гэжээ.
