Хэрэгт сэжиглэгдэж буй ламхай нар: Биднийг худлаа ярьж байна гэх юм. Бид ч бас хүүхэд шүү дээ

Ламхай нарыг хүчирхийлсэн гэх хэрэгт холбогдож буй хүүхдүүдтэй ярилцлаа. Санамж: Насанд хүрээгүй хүүхдэд хандаж бичих сэтгэгдэлдээ анхаарна уу! Энэ сарын 17-нд Гандантэгчэнлин хийдийн дэргэдэх Идга-Чойнзонлин дацангийн дотуур байранд 14 настай ламхай бэлгийн хүчирхийлэлд өртдөг гэсэн мэдээллийг түүний ээж өгснөөр энэ сэдэв олон нийтийн анхаарлын төвд байсаар байна. Хохирогч хүүхэд А Бэлгийн хүчирхийлэлд өртдөгөө дацангийн багш нартаа хэлэхэд дотуур байрнаас хөөж гаргасан гэх мэдээллийг өгч буй.  ХОХИРОГЧ А-ГИЙН ЯРЬЖ БАЙГАА ЗҮЙЛИЙН ИХЭНХ НЬ  ХУДЛАА Хэрэгт сэжиглэгдэж байгаа 14 настай Т, Б нар өөрсдийн байр сууриа URUG.MN сайтад өгсөн ярилцлагадаа ингэж ярьжээ.

-Хохирогч хүүхдийн ярьж байгаа зүйл үнэн үү? А: Зарим яах вэ үнэн. Гэхдээ ихэнх нь худлаа байнабилээ. Хоорондоо муудалцдаг нь үнэн. Энэтхэг явахын тулд гомо байх ёстой гээд л аймар худлаа ярьж байсан. Б: Зүгээр биднийг маш муухайгаар гүтгэж байгаа. Ээж нь өдөржин л лотуур байдаг. Бид хоорондоо тоглож байгааг хүртэл нэгнээ зоддог гэж яриад байгаа юм. Би яг хэрэгт сэжиглэгдэж байгаа Н гэдэг хүүхдийг сайн мэднэ. Тийм зүйл хийх хүүхэд биш. -Нэг өрөөндөө хэдүүлээ байдаг вэ? Нэг оронд хэдэн хүүхэд унтдаг вэ? Б:Өрөөндөө 10 уулаа байдаг Хоёр давхар таван ортой. Тус тусдаа унтдаг. -Гараад байгаа асуудал та хоёрт ямар санагдаж байна вэ? Б: Маш муухай байна. Харж үзээгүй юмыг маань ингэдэг тэгдэг гээл ярихаар муухай байна. Т: Хохирогч гээд байгаа хүүхэд ер нь бол их зожиг. Дээр манай дацангийн нэг хүүхэдтэй зодолдсон. Би ангийн дарга болохоороо салгаад л унтуулсан. Хамт унтах гээд байхаар нь би болиулсан юм. Бид хэдийн нэрийг ядаж нууж болоогүй л юм байх даа. Гандан дотор бид нэгнээ танина шүү дээ. Цаашдаа сурна гэхээс санаа зовж байна. Ямар ч гэсэн хэрэг үнэн зөв шийдэгдээсэй. Хүүхэд худлаа яридаггүй гээд А-гийн ярисан болгонд итгэж байж биднийг худлаа ярьж байна гэх юм. Бид ч бас хүүхэд шүү дээ.