Шударга, өрсөлдөөн, хэрэглэгчийн төлөө газар (ШӨХТГ)-аас өчигдөр (2021.01.25) НӨАТ-ын сугалааны тохирол явуулах ажилд хяналт хийжээ.
Тус газраас НӨАТ-ын сугалааг шалгах хамтарсан ажлын хэсэг (ЦЕГ, ШӨХТГ, ХХМТГ) гарган ажиллаж байгаа бөгөөд энэ 7 хоногт хяналт шалгалтын дүн нэгтгэгдэн эцэслэгдэх ажээ.
ШӨХТГ-ын дарга Б.Бат-Эрдэнэ энэ талаар Шалгалтын дараа бид Монгол Улсын Шадар сайдад хяналт, шалгалтын дүнг нэгтгэн хүргүүлнэ. Мөн НӨАТ-ын сугалааг болиулах саналаа хүргүүлнэ. Анх НӨАТ-ын хуулийг сурталчлах, хэрэгжүүлэхэд хөшүүрэг болгох зорилготой байсан бол тодорхой цаг хугацааг туулж, хангалттай үр дүнг өгсөн гэж харж байна. Мөн тус сугалаанаас үлгэрлэн нийгэмд, ялангуяа сошиал орчинд их хэмжээний азтан шалгаруулах сугалаа явагдах болсон бөгөөд Төр сугалаа явуулдаг нь бид ч явуулах үндэс гэж тайлбарлаж байна. Маш олон иргэн хохирч байна гэлээ.
