By 
Эрдэнэт үйлдвэр ХХК нь Монгол улсын нийгэм эдийн засаг бизнесийн хөгжилд жинтэй хувь нэмэр оруулж буй “ТОП-100” аж ахуйн нэгжээр шалгарч тэргүүллээ.
Монгол Улсын Засгийн газар, Монголын үндэсний худалдаа аж үйлдвэрийн танхим хамтран жил бүр Монгол улсын нийгэм эдийн засаг бизнесийн хөгжилд жинтэй хувь нэмэр оруулж буй “ТОП-100” аж ахуйн нэгжийг өргөмжилдөг уламжлалтай бөгөөд энэхүү арга хэмжээг 15 дах жилдээ зохион байгууллаа.
2015 оны “ТОП-100” ААН-ийн эхний 10-т:
Эрдэнэт үйлдвэр ХХК
Оюу Толгой ХХК
Худалдаа хөгжлийн банк
Улаанбаатар төмөр зам
Монгол Улсын хөгжлийн банк
АПУ ХХК
Мобиком Корпораци ХХК
Голомт банк
Хас банк
Ник ХХК багтжээ.
“Эрдэнэт үйлдвэр” ХХК сүүлийн гурван жил дараалан энэхүү жагсаалтыг тэргүүлж байгаа юм.
ТОП-100 ААН-ийг тодруулахдаа улсын төсөвт төвлөрүүлсэн нийт татвар, борлуулалт, ажилчдын тоо, санхүүгийн үзүүлэлт зэргийг харгалзсаны зэрэгцээ Сангийн яам, Татварын ерөнхий газар, Гаалийн ерөнхий газар, Нийгмийн даатгалын ерөнхий газар зэрэг төрийн байгууллагуудын албан ёсны тоон үзүүлэлтэд тулгуурлажээ.
Зарим дүн мэдээнээс харахад 2015 оны “ТОП-100” ААН-үүд нь нийт татварын орлогын 50 орчим хувь буюу 2.5 их наяд төгрөгийг улсын төсөвт төвлөрүүлсэн байна. Эдгээр аж ахуйн нэгжүүдийн нийт ажлын байрны тоо өмнөх оныхтой харьцуулахад 20 хувиар өсчээ.
ТОП-ын жагсаалтыг салбараар нь авч үзвэл худалдаа үйлчилгээний салбар 31, уул уурхай 18, хүнсний үйлдвэрлэл 10, банк санхүү 8, эрчим хүч, дулаан 8, харилцаа холбоо 7, газрын тосны хангамж 5, барилга 5, тээвэр ложистик 4, ноос ноолуур 3, хөдөө аж ахуйн салбар 1 хувийг тус тус эзлэж байна. Үйлдвэрийн бахархал болсон ажилчид Та бүгдэдээ баяр хүргэж компанийн зүгээс ажлын өндөр амжилтыг хүсэж байна.
Comments