Дундговь аймгийн харьяат иргэн М нь 2014-2016 оны хооронд тус аймгийн Дэрэн сумын тооцооны төвд ахлах теллерээр ажиллаж байхдаа албан тушаалын байдлаа ашиглан 23 иргэнд нийт 109.499.000 төгрөгийн хохирол учруулж, 2016 оны нэгдүгээр сард албан тушаалын байдлаа ашиглан банкны кассын мөнгөн хөрөнгө болох 21.203.696 төгрөгийг хувьдаа завшсан гэмт хэргүүдийг үйлджээ.Эрүүгийн хэргийн анхан шатны шүүхээс түүнийг залилах, хөрөнгө завших гэмт хэргийг үйлдсэн гэм буруутайд тооцож 2018 оны есдүгээр сарын 12-ны өдөр зургаан жил нэг сарын хугацаагаар хорих ял оногдуулж, хорих ялыг нээлттэй хорих ангид эдлүүлэхээр шийдвэрлэсэн байна.
Эх сурвалж: Bataar.mn
