Азийн хөлбөмбөгийн холбооноос 20 хүртэлх насны эрэгтэй багуудын Азийн аварга шалгаруулах тэмцээний урьдчилсан шатны I хэсгийн тоглолтуудыг Монголын талбайд зохион байгууллаа. Энэ хэсгийн сүүлийн тоглолт Монгол болон Гуамын шигшээ багуудын хооронд өчигдөр боллоо.
Манай шигшээ баг Гуамын хаалганд гурван гоол хийж хэсгээ итгэл төгс тэргүүллээ. Өчигдрийн тоглолтод Н.Эрдэнэбаатар, Ёндонжамц Жэйсон, Б.Хабул нар гоол хийсэн юм. Манай залуучуудын хоёр тоглолтод нийт 10 гоол хийсэн амжилтыг үзүүлж, өөрийн хаалгандаа гоол алдаагүй тэмцээнээ дуусгалаа.
Ингэснээр “I” хэсгийг хоёр хожилтой Монголын баг тэргүүлж, Гуам нэг хожилтой удаалав. Харин Умард Марианы арлуудын баг хоёр хожигдолтойгоор хэсгийн гуравт бичигдлээ. Энэ хэсэгт багтсан Балбын баг тоглолтод оролцоогүй юм. Ингэснээр Монгол болон Гуамын шигшээ багууд 20 хүртэлх насны шигшээ багууд 2029 онд зохион байгуулагдах урьдчилсан шатны үндсэн эрхийн төлөө өрсөлдөхөөр боллоо.
