Нийтлэсэн 
Улаанбаатар хотноо 2026 оны наймдугаар сарын 17-28-ны өдрүүдэд болох НҮБ-ын Цөлжилттэй тэмцэх тухай Конвенцын Талуудын 17 дугаар бага хурлын үеэр олон улсын стратеги, бодлогын түвшинд баталгаажуулах зорилгыг тээсэн өдрийн хоолны уулзалт 12 дугаар сарын 09-ний өдөр НҮБ-ын Байгаль орчны ассамблейн долдугаар чуулганы үеэр боллоо.
Энэхүү уулзалтад Монгол Улс, Бүгд Найрамдах Кени Улс, Холбооны Бүгд Найрамдах Герман Улсын өндөр дээд түвшний төлөөлөгч нараас гадна Рио-гийн 3 конвенц, НҮБ-ын Байгаль орчны хөтөлбөрийн дарга нар оролцож бэлчээрийн асуудлаарх байр сууриа илэрхийлэв.
Б.Батбаатар сайд уулзалтыг нээх үедээ “Монгол Улсын нутаг дэвсгэрийн 70 орчим хувь нь уудам тал хээрээс бүрддэг бөгөөд эдгээр экосистем нь нүүрстөрөгч шингээх, усны тогтолцоог зохицуулах, биологийн олон янзын амьдралыг тэтгэх, уламжлалт мал аж ахуйг дэмждэг цогц тогтолцоо болдгоороо манай улс бараг бүхэлдээ бэлчээрийн газар нутаг юм” хэмээн онцлоод НҮБ-ын Цөлжилттэй тэмцэх тухай Конвенцын Талуудын 17 дугаар бага хурлаас дэвшүүлэхээр ажиллаж буй санаачлагуудын уялдааг танилцуулав. Уулзалтад оролцсон төлөөлөгчид, Монголд зохион байгуулах СОР17-г чухалчлан хүлээж байгаа төдийгүй Монгол Улсын Засгийн газрын манлайлалд талархаж буйгаа илэрхийллээ.
Сэтгэгдэлүүд