285 хүнээс коронавирусийн халдвар илэрч, улсын хэмжээнд бүртгэгдсэн тохиолдол 5,895 боллоо

Эрүүл мэндийн яамнаас шинэ коронавирусийн халдварын өнгөрсөн 24 цагийн нөхцөл байдлын мэдээллийг хүргэж байна.

Өчигдөр улсын хэмжээнд 13,456 сорьцод шинжилгээ хийхэд 285 хүнээс коронавирусийн халдвар илэрлээ. Энэ нь цар тахал гарснаас хойш Монгол Улсад нэг хоногийн дотор шинээр бүртгэгдсэн хамгийн олон тохиолдол болж байна. 

Өнөөдрийн байдлаар улсын хэмжээнд бүртгэгдсэн COVID-19-ийн нийт тохиолдол 5,895 боллоо.

Өнгөрсөн 24 цагийн хугацаанд 97 хүн эмнэлгээс гарснаар нийт эдгэрсэн хүний тоо 4,044 болсон байна. Энэ нь нийт бүртгэгдсэн тохиолдлын 68.6 хувийг эзэлж байгаа юм.

Одоогоор 1,391 хүн эмчлэгдэж байна.

Эмчилгээнд байгаа хүмүүсийн биеийн байдлыг үнэлбэл,

• Хөнгөн-1,169,
• Хүндэвтэр-195,
• Хүнд-21,
• Маш хүнд-6 хүн байгаа юм.