УИХ-ын гишүүн С.Ганбаатар Oюу толгой-н асуудлаар өнөөдрөөс эхлэн Сүхбаатарын талбайд өлсгөлөн зарлаж байгаагаа мэдэгдсэн билээ. Түүний хувьд Засгийн газар Рио Тинто-той байгуулсан гэрээгээ цуцлах нь зүйтэй гэдэг байр суурьтай байгаа юм.
Жагсаал өглөө 09:00 цагаас эхлэн үргэлжилсэн бөгөөд цагдаагийн байгууллагаас С.Ганбаатар гишүүнд шаардлага хүргүүлсэн ч хүмүүс нэмэгдэн ирсээр байгаа юм. Улмаар халдвартай хүний нэгдүгээр хавьтал тус жагсаал дээр очсон нь тогтоогдсон тул талбай дээр болон ойр хавьд нь явж байгаа иргэдээс шинжилгээ авахаар цагдаа болон эмнэлгийн ажилчид очоод байна.
Цагдаагийн байгууллагаас тухайн жагсаалд ирсэн иргэдийг 7 хоног гэртээ тусгаарлалт хийхийг мэдэгдсэн бөгөөд тухайн иргэдийг бүртгэлжүүлэн ХӨСҮТ-н мэргэжилтнүүд гэрээр очин PCR шинжилгээ авна гэх мэдээлэл байна.
