Зургаан кг жинтэй охин төржээ

ЭХЭМҮТ-д өчигдөр 6050 гр жинтэй охин мэндэлжээ. Энэ оны гуравдугаар сарын 25-ны өдөр тус төвд 5 кг 750 грамм жинтэй хүү мэндэлж, манай улсын хамгийн том хүүхдээр нэрлэгдэж байв.

Өчигдөр мэндэлсэн охин энэ рекордыг эвджээ. Эмч нарын хэлж буйгаар эмнэлэгт ийм жинтэй хүүхэд өмнө нь төрж байгаагүй аж. Эх хүүхдийн биеийн байдал сайн байгаа гэдгийг эмч нар хэлж байв.