Тэртээ 1980-аад оны эцсээс залуусын чихэнд хоногшиж зүрхэнд дурсамж үлдээж өнөөдрийг хүртэл хөглөж яваа хамтлаг бол яах аргагүй Харш хамтлаг. Тэр дундаа гоцлол дуучин С. Баасандорж юм.
Урлагийн ертөнцөд 30 жилийн турш өөрийн хөг аялгуу, уран бүтээлээрээ ялгарч чадсан Харшийн Бааскаг өнөөдөр тэр үеийн залуус бид андахгүй.
“Хос залуус”, “Шар цэцэг”, “Хавар”, “Би яг ийм” гэх мэтчилэн 1000 жилд дуурсагдах сэтгэлд хоногшсон дуунууд нь өнөөдрийг хүртэл монголчуудын зүрх сэтгэлд хоногшин дуулагдсаар. Тэр утгаараа энэ сайхан уран бүтээлч бол яах аргагүй Монгол улсын гавьяат жүжигчин цол тэмдгийг хүртэх цаг нь болсон гэдгийг дуунд дуртай түмэн олон хэлэлцэж, эрх бүхий хүмүүсийн сонорт хүргэхээр сошиалд давлагаа үүсгээд байна.
