АНУ-ын Ерөнхийлөгч Доналд Трампыг тууштай шүүмжлэгч, Бразилын Ерөнхийлөгч Луис Инасиу Лула да Силва өнгөрсөн ням гарагт болсон сонгуулиар дахин сонгогдлоо. Энэхүү үр дүн нь Латин Америк дахь АНУ-ын нөлөөллийг шүүмжлэгчдийн хувьд тайвшрал авчирсан үйл явдал болов.
Өдгөө 80 настай Луис Инасиу Лула да Сильва Бразилын Ерөнхийлөгчийн сонгуулийн хоёр дахь шатанд ялалт байгууллаа. Саналын хуудсын 99 хувийг тоолж дуусахад тэрбээр өрсөлдөгч болох 45 настай Флавиу Болсонаругаас бараг 4.4 сая санал буюу илт давуу байдлаар ялалт байгуулжээ.
Бразилын Ерөнхийлөгч асан Жаир Болсонаругийн хүү Флавиу Болсонару 10 дугаар сарын 04-ний өдөр болсон өмнөх шатны сонгуульд ялж байв. Түүнийг Ерөнхийлөгч Доналд Трамп дэмжиж байгаагаа илэрхийлсний улмаас АНУ-ыг дотоодын сонгуульд хөндлөнгөөс оролцсон хэмээн буруутгаж байлаа.
Харин Лула да Сильва хоёр дахь шатны сонгуульд илүү санал авч, ялалт байгуулсан байна.
Ингэснээр сонгуулийн эхний шатанд ялагдсан ч ерөнхийлөгчөөр сонгогдсон анхны хүн болж байгаагийн дээр тэрбээр 4 дэх удаагаа төрийн тэргүүний суудалд очихоор болж байгаа юм.
Сонгуулийн шинэ бүрэн эрхийн хугацаа 2027 оны 1 дүгээр сарын 5-наас эхэлнэ.
Сонгуулийн онцлох үйл явдлууд:
-
- Түүхэн эргэлт: Сонгуулийн эхний шатанд Болсонаро 47%-ийн санал авч, Лулагаас (45%) илүүрхэж байсан юм. Бразилд 1985 онд цэргийн дарангуйлал унаснаас хойш анх удаагаа эхний шатанд цөөн санал авсан нэр дэвшигч хоёр дахь шатны сунгаанд эцсийн ялалт байгуулсан тохиолдол нь энэ боллоо.
- Санал хураалтын хугацааг сунгасан нь: Сонгуулийн өдөр цаг агаарын таагүй байдал, тээврийн саатлаас шалтгаалан Дээд шүүхийн шүүгчийн шийдвэрээр санал хураах хугацааг сүүлийн мөчид 2 цагаар сунгасан байна. Үүнтэй холбогдуулан ялагдсан тал болох Болсонаро шүүхэд гомдол гаргах магадлалтай байгаа аж.
- Бүс нутгийн нөлөө: АНУ-ын Ерөнхийлөгч Доналд Трампыг шүүмжлэгч Лула да Силва ялалт байгуулснаар Латин Америкийн хамгийн олон хүн амтай хоёр том улс болох Бразил, Мексик хоёул зүүн төвийн үзэл баримтлалтай удирдагчтай хэвээр үлдэж байна. Энэ нь АНУ-аас Латин Америкт үзүүлэх нөлөө, Трампын гаалийн татварын дарамтаас хамааралгүй, бие даасан бодлогоо үргэлжлүүлэх боломжийг Бразилд олгож байна.
- Түүхэн эргэлт: Сонгуулийн эхний шатанд Болсонаро 47%-ийн санал авч, Лулагаас (45%) илүүрхэж байсан юм. Бразилд 1985 онд цэргийн дарангуйлал унаснаас хойш анх удаагаа эхний шатанд цөөн санал авсан нэр дэвшигч хоёр дахь шатны сунгаанд эцсийн ялалт байгуулсан тохиолдол нь энэ боллоо.
Эх сурвалж: PBS News
