Засгийн газрын ээлжит хуралдаан үргэлжилж байна. Өнөөдрийн хуралдаанаар Төрийн өмчит үйлдвэрийн газрын талаар авах зарим арга хэмжээний тухай Засгийн газрын тогтоолын төслийг хэлэлцэж, зарим шийдвэрийг гаргажээ.
Энэ талаар Ерөнхий сайд Н.Учрал “Төрийн өмчит үйлдвэрийн газрын талаар авах арга хэмжээний тухай Засгийн газрын тогтоолын хүрээнд 12.5 тэрбум төгрөгийн жилийн цалинг хэмнэх, 25 байгууллагын нэгтгэж, өөрчлөх зохион байгуулах, жилд нийт 30 тэрбум төгрөгийн цалин, бусад урсгал зардлыг хэмнэх, төсвөөс 25 байгууллагыг гаргаж, бие даалгах, 108-324 орон тоог оновчлох хүрээнд төрийн өмчит үйлдвэрийн газруудын 30 хувийг цомхотголоо. Төрийн өмчит компанийн хууль их хурлаар батлагдсантай холбоотойгоор 25 байгууллагыг төсвөөс гаргаад, 30 хувийг цомхотгоод, нийтийн үйлчилгээний зориулалт бүхий төрийн өмчит компани болгож статусыг өөрчлөх шийдвэрийг гаргаж байна” гэв.
