Монгол Улсын гавьяат тамирчин Б.Ууганхүү нь Рио 2016 зуны паралимпын наадмын жүдо бөхийн -60 кг жинд амжилттай оролцож, хүрэл медаль хүртэж байсан билээ.
Тэрбээр 2016 онд Монгол Улсын гавьяат тамирчин цолоор шагнагдсан нэр хүндтэй тамирчин юм. Түүний спортын өндөр амжилт, туршлага, манлайллыг үнэлэн Монголын үндэсний паралимпын хорооны ерөнхий нарийн бичгийн даргаар томилсон байна.
Ийнхүү Б.Ууганхүү нь Монголын паралимпын хөдөлгөөний хөгжилд бодит хувь нэмэр оруулах хариуцлагатай албыг хашихаар боллоо.
Түүний хувьд өмнө нь Монголын Пара жүдо бөхийн холбооны ерөнхий нарийн бичгийн даргаар ажиллаж байсан билээ.
