“Erdenet cup-2024” мэргэжлийн боксын халз тулаан өнөөдөр Эрдэнэт хотноо “Хангарди” паласт 18:00 цаг эхэлнэ.
Мэргэжлийн боксын долоон жинд 14 тамирчин халз тулж, хурд хүчээ сорин өрсөлдөхөд бэлэн болоод байна. Мэргэжлийн боксын тамирчдын гал гарсан ширүүн тулаан, нүд гүйцэхгүй хурд, хүнд цохилт, уран нарийн тоглолтыг дэргэдээс нь үзэхийг хүсвэл зөвхөн өнөө орой ганцхан удаа болох “Erdenet cup-2024” тэмцээнийг зорин ирж, үзэхийг урьж байна.
Монголын нэгдмэл боксын холбооноос анх удаа зохион байгуулж буй “Erdenet сup-2024” мэргэжлийн боксын халз тулааны хамтран зохион байгуулагчаар Монголын боксын холбоо, их спортыг дэмжигчээр “Эрдэнэт үйлдвэр” ТӨҮГ, “MNB Спорт” суваг, “Unival” студи хамтран ажиллаж байна.
