“Барыг аваръя” аяны элч төлөөлөгч болсон Б.Болорын сүүлийн үеийн зургаас

Хүн төрөлхтний гоо үзэсгэлэнгийн олимп гэгддэг “Miss World” тэмцээн Энэтхэг улсын Нью Дели хотноо 2024.02.20-ний өдөр эхэлсэн 71 дэх удаагаа зохион байгуулагдаж буй энэхүү тэмцээнд манай улсаас “Монголын сайхан бүсгүй” тэмцээний Алтан эрдэнийн титэмт, “Miss world Mongolia 2023” тэмцээний Үндэсний ялагч Б.Болор эх орноо төлөөлөн ажилттай оролцож байна.

Тэрбээр “Барыг аваръя” аяны элч төлөөлөгчөөр сонгогджээ. Энэ талаараа “Зөвхөн манай улсад байдаг нэн ховор говийн мазаалай баавгайтай адил бар нь экологийн хувьд чухал амьтан юм. Бид ч “savethemazaalai” аяныг эхлүүлж байсан туршлагатай.

Илтгэлийн үеэр надад гүн сэтгэгдэл үлдээсэн хэсэг “Барыг хамгаална гэдэг нь ой модыг хамгаална, ой модыг хамгаална гэдэг нь, уул усаа хамгаална, уул усаа хамгаална гэдэг эх нутаг, эх дэлхийгээ хамгаална гэсэн үг.” хэмээх энэ өгүүлбэр маш өргөн утга агуулгатай байлаа.

За тэгээд Мултимедиа сонгон шалгаруулалтын маш том хэсэг нь Монголчууд бид Save The Tiger аянд нэгдэх хэрэгтэй байгаа юм. Та бүхэн дараах Hashtag коммент хэсэг дээр үлдээснээр “Барыг аваръя” аяныг дэмжиж байгааг илэрхийлнэ гэсэн үг шүү. Монголчуудаа идэвхтэй оролцоорой. Бид одоо л нэгдэж чаддагаа харуулцгаая.Энэ гайхамшигтай сүр жавхлантай амьтдыг хайрлан хамгаалж ирээдүй хойч үедээ байгаль эх дэлхийгээ, өв соёлоо үлдээе” хэмээн өөрийн цахим хуудастаа нийтэлжээ.