Хөгжмийн зохиолч МУУГЗ С.Баатарсүхийг Төрийн тусгай албан хаагчдын эмнэлэгт хэвтүүлжээ

Хөгжмийн зохиолч МУУГЗ С.Баатарсүхийг ахмадын асрамжийн газар хэвтүүлсэн байсныг түүний төрсөн дүү авч асарч буй талаар мэдээлэл гарсан.

Улмаар Хандивын тоглолт зохион байгуулах талаар рок поп, Монголын хөгжмийн зохиолчдын холбоо ярилцаж байгаа юм байна. Мөн түүний ар гэртэй нь ярилцаж зөвшөөрсний дагуу МҮОНРТ-тэй хамтран ажилладаг Төрийн тусгай албан хаагчдын эмнэлэгт хэвтүүлжээ. Мөн хандивын тоглолт хийхээр болбол МҮОНРТ мэдээллийн ивээн тэтгэгч болон бусад хэлбэрээр дэмжихээ илэрхийлсэн байна.

Түүнчлэн түүний зохиосон Цэнхэр залаа бүтээлийн оюуны өмчийн эрх МҮОНРТ-д биш зохиогчийн нэр дээр байгаа аж.