Cолиотой сайн кино болсон ч үзэгчидэд хангалттай хүрч чадаагүй харамсалтай кинонууд

Тааруу болсон ч эв нь таараад олон хүмүүст хүрчихдэг кино байхад эсрэгээрээ маш сайн хийгдсэн ч олныг хамарч чадалгүй мартагддаг харамсмаар бүтээлүүд гэж бий. Тэгвэл тийм кинонуудыг энэ удаад алдаршуулъя.

~Хийморь~

Үзсэн хүмүүсээс ихэнхдээ л 10/10 үнэлгээ авдаг боловч яг дийлэнх үзэгчдийг хамарч чадаагүй

~Босуул~

Тодорхой шалтгааны улмаас хориглуулсан бүтээл. Уг нь солиотой тулаант, түүхэн кино.

~Цагаан хадаг~

Уг нь их л өндөр хүлээлтийг үүсгээд, кино нь ч өөрөө чанартай болсон ч байлдан дагуулалт хийж чадаагүй

~Од ба Гэгээ~

Ер нь л дуулалт иймэрхүү төрлийн кино үзэгч багатай байдаг гэдэг дэлхийн жишиг Монголд ч ижил байв. Үзсэн хүмүүст нэг тийм нандин, гоё мэдрэмжийг өгнө

~Бүү март~

Киноны ашигласан тусгай эффект, чанар, хэлэх гэсэн санаа маш сайн. Даан ч хүмүүсийн сонирхлыг төдийлөн татаж чадаагүй.

~Lovers~

Ийм төрлийн кино Монголд их цөөхөн хийгдсэн шүү. Жинхэнэ урлагийн бүтээл. Угаасаа ч олон хүнд үзүүлэхэд харамламаар кино.

~Муу нүүрт~

Монголын Knife’s Out л гэсэн үг. Хэргийн сэжүүрээс атгаад авлаа гэтэл дахиад л мухардана.

~Тю Тю~

Эмэгтэй хүмүүст тулгардаг олон ч бэрхшээлийг торгон мэдрэмжтэйгээр гаргасан бүтээл. Уг нь хит болох ёстой байсан юм.

~Үндэсний баялаг~

Тун дажгүй тулаант кино. Монгол охидуудаа харамласан эрчүүдийн дуу хоолой. Бүр тийм айхтар муу кино биш. Том кинонуудтай зэрэг нээлтээ хийгээд хүмүүст анзаарагдалгүй өнгөрчихсөн.

~Шүүдэр дундуур~

Тунг нь тааруулаад хийчихсэн гоёмсог бүтээл. Ийм кино угийн л үзэгч багатай байдаг.

~Алсын удирдлага~

За энэ бүтээл бол гадныханд чамгүй үнэлэгдсэн гайхалтай бүтээл. Манай үзэгчид ойлгож үзэх хараахан болоогүй

~Диваажинд хүрэх зам~

Өмнөх Орк гээд кино нь тун дажгүй явчихсан хэрнээ тэрнээсээ хамаагүй сайжирсан ээлжит бүтээл нь хит болж үзэгчдийг хамарч чадаагүй.

~Сүүлчийн шөнө~

Маш сайн хийгдсэн романс. Миний бодлоор Монголын бүх насны хосууд хөтлөлцөөд л үзэх ёстой байсан ч тийм зүйл болоогүй.

~Над руу ингэж битгий хар~

За Үйзэнмаа гэж энэ авъяасны ундарга охинтой ярих юм юу ч байхгүй. Төрчихсөн уран бүтээлч. Энэ кино хэд хоног кино театруудаар гарахад хүмүүс пү па, юу үзчихэв ээ л гэцгээж байв. Уучлаарай бид ийм юм ойлгоход тэр үед хэтэрхий эрт байсан байж мэднэ. “Үйзэнмаа” энэ нэрийг цээжлээд аваарай. Монголын анхны оскар авах эмэгтэй шүү

Эх сурвалж:Movie Review and Meme