нийгэмОнцлох

Шалтгаан нь шагнал байжээ

1

Дэлхий дахинаа коронавируст цар тахал тархсанаас хойш манай улсын Эрүүл мэндийн яам, Онцгой байдлын албаны хамтарсан тандалтын баг ажиллаж байгаа юм.

Тус багийн судлаачид нөхцөл байдалд дүгннэлт хийснээ Засгийн газар, Онцгой комисст танилцуулж, цаашид авах арга хэмжээг тодорхойлдог.

Тандалтын баг энэ удаад коронавирусын халдвар сүүлийн 20 гаруй хоногт огцом нэмэгдсэнд судалгаа хийж, дүгнэлт гаргасан байна.  Судлаачдын дүгнэснээр коронавирусын энэхүү огцом тархалт нь төрийн шагнал гардуулсан үйл явцаас болжээ.

Сүүлийн 20 гаруй хоногт Ерөнхийлөгчийн зарлигаар төрийн 16 мянган одон медаль гардуулжээ. Үүний 11 мянга нь “Алдарт эхийн одон” байжээ. Үлдэх дөрвөн мянга нь бусад цол медалиуд юм байна.  Шагнал хүртэгсдийн 8700 нь одон медаль гардсаныхаа дараа дайллага цайллага хийжээ. Тэндээс коронавирусын халдвар огцом тарсан байгаа юм.

Ер нь бол одон медаль бүрийн ард дайллага цайллага болж, олуулаа цуглаж халдвар хамгааллын дэглэм зөрчсөн нь халдвар тархалтын үндэслэл болжээ. Үүний улмаас вакцин хийлгээгүй хэсэгт хүчтэй нөлөө үзүүлж, халдварыг 1.5 дахин нэмэгдүүлсэн байна. ХӨСҮТ-ийн захирал Л.Баттөр энэ талаар …Халдвар авч байгаа 10 хүн тутмын ес нь вакцингүй буюу өдөр бүрийн халдварын тохиолдлын 90 хувь нь вакцинаа хийлгээгүй иргэд байна. Сүүлийн гурван өдөр халдвар авсан 6600 гаруй хүний 6000 нь буюу 90 хувь нь вакцины хоёр дахь тунг хийлгээгүй, огт хийлгээгүй, нэг дэх тунг хийлгэсэн , хүнд өвчтэй буюу дархлаа сул хүн, хүүхдүүд байна.Харин хоёр дахь тунг тариулаад 14-өөс дээш хоносон иргэд хамрын ханиад мэт халдвар авч эрсдэлээс бүрэн хамгаалагдаж байна гэв.

Улмаар шагналын дундуур сонгууль залгаж, орон нутагт тархах үндэслэл болсон гэж дүгнэлтэд дурдсан байна.

Өдгөө манай улсын хүн амын 30 хувь нь бүрэн вакцинд хамрагдсан. Харин үлдсэн 70 хувь нь эмзэг, тэр дундаа хүүхдүүд байгаа юм.

Тодруулбал, коронавирусын халдварын тархалт нь 47 мянган жирэмсэн эхчүүдэд цохилт болж очсон байна. Одоогоор халдвар авсан хүмүүсийн 25 хувь нь шинж тэмдэггүй. Үлдсэн 75 хувийг эмчилж хамгаалах шаардлагатай. Харин 0.55 хувьд хүндрэл үүсч болзошгүй байгаа ажээ.

Түүнчлэн олон давхар судалгаа, мэдээллээр вакцины үр дүнд эргэлзэх шаардлагагүй болох нь тогтоогджээ.

Эх сурвалж: Зууны мэдээ сонин

Надаас дүү хүүхэд яваад байхад би яагаад явахгүй байгаа юм бэ? гэдэг асуулт хамгийн хэцүү

Өмнөх нийтлэл

Наадмыг цахимаар зохион байгуулахыг Засгийн газар дэмжлээ

Дараах нийтлэл

Танд таалагдаж магадгүй юм

1 Сэтгэгдэл

  1. Баттулга ерөнхийлөгч ард иргэдээ хоролчихл00. Монголоо бүр ялагдуулчихлаа шүү дээ

Сэтгэгдэл хаалттай байна.

Дэлгэрэнгүй нийгэм