Япон улсын алганы хээ судлалын байгууллагын гишүүн 32 настай эрэгтэй Nishida Keiichiro нь Монгол улсын хилээр тавдугаар сарын 15 ны өдөр орж ирсэн байна.
Тэрээр төлбөртэйгээр алганы хээг үзэж, зурхайн мэргэ, шашны үйл ажиллагаа явуулах зорилготой ирсэн ажээ. Гадаадын иргэн харьяатын газраас тухайн иргэнийг шалгахад визний зөрчилтэй нь тогтоогдсон байна. Өөрөөр хэлбэл Япон улсын тухайн иргэн нь аялал жуулчлалын зориулалттай визээр Монголд ирсэн мөртлөө бусдын алганы хээг үзэж мөнгө олж бизнес хийсэн нь тогтоогджээ. Иймд түүнийг тавдугаар сарын 18-ны өдөр Монгол улсын хилээр албадан гаргасан байна.
