Улсын аварга Ч.Санжаадамба бусдын биед халдаж, эрүүл мэндэд нь хөнгөн хохирол учруулсан гэх хэрэгт холбогдон шүүхээр шийдвэрлүүлэхээр болжээ. Тодруулбал, түүнд холбогдох эрүүгийн хэргийн урьдчилсан хэлэлцүүлэг өнөөдөр буюу есдүгээр сарын 24-нд Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны тойргийн шүүхэд болно. Сүхбаатар дүүргийн прокурорын газраас Ч.Санжаадамбад Эрүүгийн хуулийн 11.6 дугаар зүйлийн 1 дэх хэсэгт зааснаар яллах дүгнэлт үйлдэж, хэргийг шүүхэд шилжүүлсэн байна. Тус зүйл заалт нь хүний эрүүл мэндэд хөнгөн хохирол санаатай учруулсан үйлдэлд хариуцлага хүлээлгэхээр зохицуулдаг. Өнөөдрийн урьдчилсан хэлэлцүүлгээр шүүхээс хэрэг хянан шийдвэрлэх ажиллагаатай холбоотой асуудлыг хэлэлцэж, хэргийг шүүхийн шатанд хэрхэн үргэлжлүүлэн шийдвэрлэхийг тогтооно. Хэргийг шүүх эцэслэн шийдвэрлээгүй байгаа бөгөөд Ч.Санжаадамба нь шүүхийн шийдвэр гарах хүртэл гэм буруугүйд тооцогдоно.
11
Холбоотой мэдээ
Баавгай үзэгдсэн тухай дуудлагыг ажлын бус цагаар 102 дугаарт мэдээлэх боломжтой
Ой, уулын бүс болон голын эрэг орчимд зорчихдоо сонор сэрэмжтэй байхыг Нийслэлийн байгаль орчны газраас анхаарууллаа. Түүнчлэн баавгайн талаарх мэдээлэл, ул мөр…
