ХЗДХ-ийн сайдаар Г.Тэмүүлэнг томилох танилцуулга, төсвийн хэлэлцүүлгүүдийг хийх УИХ-ын чуулганы хуралдаан хоёр дахь өдрөө ирц хүрээгүй тул хойшилсон. Тодруулбал, өнгөрсөн пүрэв гарагт 52 гишүүний ирцтэйгээр хойшилсон хуралдаан өчигдөр 14.00 цагт товлогдсон ч мөн л дөрвөн цагийн турш ирц хүлээж, 50 хувийн ирцтэйгээр өнөөдрийн 14.00 цаг хүртэл хойшилсон юм.
Өнгөрсөн пүрэв гарагаас хойш хоёр өдөр гишүүдийн ирц бүрдээгүй шалтгаанаар хойшлоод байсан УИХ-ын чуулганы хуралдаан өнөөдөр 50-иас дээш хувийн ирцээ бүрдүүлсэн тул 14.00 цагаас эхэллээ.
Өнөөдрийн хуралдаанаар Хууль зүй, дотоод хэргийн сайд Г.Тэмүүлэнгийн томилгоог танилцуулан хэлэлцэж, Г.Тэмүүлэн Засгийн газрын гишүүний тангараг өргөх юм.
