Аав охин хоёр хүнд өвчнөөр өвджээ. Гурван хүүхдийн аав Бадам анх 25 жилийн өмнө нурууны муруйлт буюу сколиоз өвчнөөр өвдөж одоог хүртэл шаналж яваа аж.
Гэтэл түүний 17 настай охин мөн л дээрх өвчнөөр өвчилсөн нь тогтоогджээ. Мөрөөдөл биелдэг нэвтрүүлэг Араг продакшн-ны хамт олон аав, охин хоёрыг аюулт өвчнийг нь эмчлүүлэхээр гадны эмнэлгүүдэд ханджээ. Учир нь энэ төрлийн хагалгаа манай улсад хийгддэггүй, гадны орнуудад өндөр үнээр хийгддэг байна.
Азаар Турк улсын Мемориал групп эмнэлэг аав охин хоёрт туслахаар болж, эмчилгээний зардлаа ч хөнгөлжээ. Өөрөөр хэлбэл 120 сая төгрөгөөр аав, хоёрыг эмчлэхээр болжээ. Иймд Бадамын гэр бүл сайхан сэтгэлт элэг нэгт ард түмнээсээ тусламж хүссэн байна.
